January 12, 2025
काठमाण्डू, बैंक तरलता अधिक भएपछि केन्द्रीय बैंक नेपाल राष्ट्र बैंकले आइतबार ४० अर्ब रुपैयाँ बैंकिङ प्रणालीबाट खिच्ने भएको छ।
केन्द्रीय बैंकले २१ दिनको लागि ४० अर्ब खिच्न लागिएको जानकारी दिएको हो।
राष्ट्र बैंकले बैंकहरुलाई स्थायी तरलता सुविधा उपलब्ध गराए पनि अन्तरबैंक ब्याजदर सीमा कायम राख्न नसकेपछि निक्षेप संकलन उपकरण जारी गरी तरलता खिच्न लागेको हो।
राष्ट्र बैंकमा निक्षेप राख्न चाहने बैंकहरुले दिउँसो २ बजेसम्म आवेदन गर्न सक्नेछन्।
न्यूनतम १० करोड र बढीमा ५ करोड रुपैयाँले भाग गर्दा निःशेष भाग जाने गरी रकमका लागि आवेदन दिन सक्ने राष्ट्र बैंकले जानकारी दिएको छ।
बैंकहरूलाई यसको सावा तथा ब्याज माघ २० गते भुक्तानी गरिने केन्द्रीय बैंकले जानकारी दिएको छ। सबैभन्दा कम ब्याजदरमा बोलकबोल गर्ने बैंकले प्राथमिकता पाउनेछन्।
प्रकाशित मिति:January 12, 2025
