विद्युत प्राधिकरणमा उर्जा मन्त्री कै निर्देशनमा बिभागिय प्रमुखहरु हेरफेर

काठमाडौं । उर्जा मन्त्री दिपक खडकाले नेपाल विद्युत् प्राधिकरणमा ठुलो संख्यामा कर्मचारीलाई सरुवा गरेका छ्न। प्राप्त जानकारी अनुसार मन्त्री खडकाले सरुवाको निम्ति धेरै पटक निवर्तमान कार्यकरी निर्देशक कुलमान घिसिङ लाई दबाब दिएर सरुवा गर्न लगाउदा समेत घिसिङले प्राधिकरण को हितमा राम्रो कर्य सम्पादन गरेको गुण र दोषलाई मुख्य आधार बनाएर सरुवा गर्छु हस्तक्षेप नगर्नुहोस् मन्त्री ज्यु भनेर सस्था सुधारका निम्ति लागी परेका घिसिङलाई हटाएपछि पहिलो निसाना सरुवा नै भएको छ।
प्राधिकरणका १२ र ११ तहका उपकार्यकारी निर्देशक र निर्देशकहरुको सरुवाा गरेको छ ।
१२ औं तहका प्रसारण निर्देशनालयका दीघायूकुमार श्रेष्ठलाई वितरण तथा ग्राहक सेवामा सरुवा गरिएको छ । गत पुस अन्तिम साता वितरण तथा ग्राहक सेवा निर्देशनालयका उपकार्यकारी निर्देशक मनोज सिलवाल सेवा निवृत्त भएपछि उक्त पद रिक्त थियो ।
त्यसैगरी प्रसारण निर्देशनालयअन्तर्गतको साविकको भार प्रेषण केन्द्र (हाल प्रणाली व्यवस्थापन विभाग) का निर्देशक चन्दन घोषलाई प्रणाली योजनामा र प्रणाली योजनाकी निर्देशक रञ्जु पाण्डेलाई घोषको ठाउँमा सरुवा गरिएको छ ।

यसैगरी बागमती प्रादेशिक कार्यालयका निर्देशक (प्राविधिक) नवराज ओझालाई व्यसाय विकास निर्देशनालय अन्तर्गत ऊर्जा दक्षमता तथा चुहावट नियन्त्रण विभागमा सरुवा गरिएको छ । ओझा वितरण तथा ग्राहक सेवाका निमित्त उपकार्यकारी निर्देशकसमेत थिए ।
ओझा रहेको ठाउँमा अर्का निर्देशक टेकनाथ तिवारीलाई लगिएको छ । तिवारीयसअघि ऊर्जा दक्षता तथा चुहावट नियन्त्रण विभागमा थिए ।
गत चैत ११ गते सरकारले हितेन्द्रदेव शाक्य कार्यकारी निर्देशकमा नियुक्त गरेपछि उनले सर्वप्रथम प्राधिकरणका प्रवक्ता फेरेका थिए । प्राधिकरणको साविकका प्रवक्ता घोषलाई हटाएर कार्यकारी निर्देशकको सचिवालयका निर्देशक राजाभाई शिल्पकारलाई जिम्मेवारी दिइएको छ ।

त्यसैगरी कार्यकारी निर्देशकको सचिवालयकी अधिकृत यशोधा तामाङलाई पनि सरुवा गरिएको छ ।
यसअघि ऊर्जा मन्त्री दीपक खड्काले १० तहदेखि माथिका कर्मचारीको सरुवा प्राधिकरण सञ्चालक समितिबाट गराउने गरी विनियमावली संशोधन गराएका छन् । यो व्यवस्थासँगै व्यवस्थापनका उच्चतहका कर्मचारी कार्यकारी निर्देशकप्रति जिम्मेवार नभई ऊर्जा मन्त्री र सञ्चालक समितिका सदस्यप्रति वफादार हुने परिपाटी सुरु गरिएको छ ।

प्राधिकरणका कर्मचारीको सरुवामा विशेष चासो र रुचि राख्दै आएका ऊर्जा मन्त्री खड्काले यसअघि कर्मचारी सरुवाका लागि अघिल्ला कार्यकारी निर्देशक कुलमान घिसिङलाई पटकपटक दबाब मात्रै दिएका थिएनन् धेरै जिल्लाका प्रमुख सग सरुवा गर्दिन्छु भनेर लिएको रकम पचाउन मन्त्रीलाई सकस परेपछि घिसिङ सग आगो बन्दै आएका थिए।