बाथरुममा लडेर प्रचण्ड घाइते, अवस्था सामान्य
२४ बैशाख २०८२, बुधबार
काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड बाथरुममा लडेर घाइते भएका छन् । बाथरुममा लडेर घाइते भएपछि अस्पताल भर्ना गरिएको छ । अहिले उनको अवस्था सामान्य रहेको अस्पताल स्रोतले जनाएको छ ।
गएराति करिब १२ बजेतिर ललितपुरस्थित मेडिसिटी अस्पताल लगिएका दाहालको टाउकोमा चोट लागेपछि तीन टाँका लगाइएको छ ।
सिटीस्क्यान रिपोर्ट सामान्य आएको र उनलाई अहिले वार्डमा राखेर निगरानीमा राखिएको अस्पतालले जनाएको छ ।
दाहालको छोरी गंगा दाहालका अनुसार बाथरुममा चिप्लिएर निधारमा सामान्य चोट लागेपछि सतर्कताका लागि अस्पताल भर्ना गरिएको हो ।
