स्वागत नेपाललाई साइबर ब्युरोले बोलायो

काठमाडौं । अधिवक्ता तथा राष्ट्रिय प्रजातन्त्र पार्टीका प्रतिनिधिसभा उम्मेदवार स्वागत नेपाल (भद्रप्रसाद नेपाल) लाई प्रहरीको केन्द्रीय साइबर ब्युरोले बोलाएको छ ।

ब्युरोका प्रवक्ता दीपक अवस्थीले नेपाललाई सोधपुछका लागि बोलाइएको पुष्टि गरे ।  हामीले हिजै टेलिफोन गरेर उपस्थित हुन भनेका छौं । उहाँ आइपुग्नु भएको छैन,’ एसपी अवस्थीले भने ।

नेपालले सामाजिक सञ्जालमार्फत दिएको अभिव्यक्तिका सम्बन्धमा बुझ्न बोलाइएको साइबर ब्युरोले जनाएको छ । उनीविरुद्ध कसले के सम्बन्धमा उजुरी दिएको हो भन्ने प्रहरीले केही खुलाएको छैन ।