खानेपानी र सरसफाइ सुधारका लागि एडीबीकाे ११ करोड ५० लाख डलर सहयोग
५ असार २०८३, शुक्रबार
काठमाडौं। एसियाली विकास बैंक (एसियाली विकास बैंक) ले नेपालका नगरपालिकामा खानेपानी र सरसफाइ सेवा सुधारका लागि ११ करोड ५० लाख अमेरिकी डलर बराबरको सहुलियत ऋण स्वीकृत गरेको छ।
‘एकीकृत खानेपानी आपूर्ति तथा ढल व्यवस्थापन परियोजना’ अन्तर्गत सञ्चालन हुने यो कार्यक्रमबाट देशका १३ जिल्लाका करिब ८ लाख ५० हजारभन्दा बढी नागरिक प्रत्यक्ष लाभान्वित हुने एडीबीले जनाएको छ।
परियोजनाले खानेपानीको पहुँच विस्तारसँगै ढल व्यवस्थापन र फोहोर पानी प्रशोधन प्रणालीलाई सुधार गर्ने लक्ष्य राखेको छ। सहरीकरण तीव्र गतिमा बढ्दै जाँदा धेरै बस्तीमा आधारभूत खानेपानी तथा सरसफाइ सेवामा चुनौती देखिएको एडीबीले उल्लेख गरेको छ।
आर्नो कोश्वा का अनुसार परियोजना कार्यान्वयनपछि शहरी क्षेत्रमा खानेपानी तथा सरसफाइ सेवामा उल्लेखनीय सुधार आउने अपेक्षा गरिएको छ। उनले बढ्दो सहरी जनसंख्याका कारण देखिएको दबाबलाई सम्बोधन गर्न यो परियोजना महत्वपूर्ण हुने बताएका छन्।
परियोजनाले दीर्घकालीन रूपमा सुरक्षित खानेपानी आपूर्ति सुनिश्चित गर्दै जनस्वास्थ्य सुधारमा समेत योगदान पुर्याउने विश्वास लिइएको छ।
