रास्वपा केन्द्रीय समितिको अन्तिम बैठक भोलि बस्दै
५ असार २०८३, शुक्रबार
काठमाडौं । राष्ट्रिय स्वतन्त्र पार्टी (रास्वपा) को चितवनमा हुने प्रथम राष्ट्रिय महाधिवेशनको तयारी तीव्र पारिएको छ । पार्टीका एक पदाधिकारीका अनुसार बिहीबार सचिवालयले तय गरेका प्रस्तावलाई केन्द्रीय कमिटीले पारित गर्ने लगायतका एजेन्डा छन् ।
पार्टी स्थापनाको दिवसको अवसर पारेर रास्वपाले ७–९ मा चितवनमा पहिलो महाधिवेशन गर्दै छ । सम्पूर्ण नेता एवं पदाधिकारीहरू चितवन जाने क्रम जारी छ ।
आजको प्रतिनिधिसभाको बैठक सकेर बाँकी नेताहरू पनि चितवन जाँदै छन् । पार्टी वरिष्ठ नेता एवं प्रधानमन्त्री वालेन्द्र शाह पनि आइतबार बिहान चितवन जाने कार्यक्रम रहेको बुझिएको छ ।
शनिबार बस्ने केन्द्रीय कमिटीको बैठक वर्तमान नेतृत्वको कार्यकालका लागि अन्तिम बैठक हुनेछ । असार ९ पछि नयाँ नेतृत्व चयन हुनेछ । रास्वपाले नवीन नेतृत्व मनोनयन गर्ने बुझिएको छ ।
बिहीबारको सचिवालय बैठकले १९ पदाधिकारी मध्ये अधिक पदमा सभापतिले मनोनयन गर्ने तय गरेपछि अब बाँकी पदमा पनि सहमतिका आधारमा कार्यसमितिलाई पूर्णता दिने तर्फ नेताहरूले नेतृत्वलाई सुझाव दिएको बुझिएको छ ।
