सरुवा भएको दोस्रो दिनमै मन्त्रालयका सचिवले मागे दशैं खर्च

काठमाडौ । नेपालीहरुको महान् पर्व विजयादशमी नजिकिईंरहेको भएपनि कोरोना भाइरसका कारण आम मानिसहरु रोग र भोकबाट जोगिने उपाएहरु खोज्दैछन् एकातिर भने अर्कोतिर मुलुक चलाउने उच्च तहका केही प्रशासक दशैं खर्च जोरजाममा लागेका छन् भन्दा पत्याउन गाह्रो पर्ला । पछिल्लो पटक ठुलो संख्यामा सरुवामा परेका सचिवहरुमध्ये एक जना त्यस्ता पात्र परेका छन् ।
भौतिक मन्त्रालयको सचिव सरुवाले विकासको लय भत्कियो
समाचार स्रोतका अनुसार पछिल्लो पटक सरकारले ठुलो संख्यामा गरेको सचिव सरुवाको क्रममा भौतिक पूर्वाधारबाट हटाउने र शहरी विकासमा भित्र्याउने सचिवहरुको विगत हेर्दा माफिया हावी भएको बहस प्रशासन क्षेत्रमा सुरु भएको छ । प्रधानमन्त्री केपी शर्मा ओलीले सचिव बैठक देखि धेरै ठाउँमा सचिवहरुले कामको परिणाम दिन नसकेको गुनासा मात्र गर्नुभएन आफू नजिक रहेको नेता र सचिवालयमा समेत पटक पटक यसै विषयमा ध्यान केन्द्रित गराउनु भएको थियो ।

प्रधानमन्त्री ओलीले पटक पटक कामको परिणाम देखाउन नसकेकोमा गर्नुभएको चिन्ताप्रति आम जनता प्रधानमन्त्रीले त गर्न खोजेकै हुन् तर प्रशासन क्षेत्रले गर्न नसकेको निष्कर्ष सहित प्रशासन क्षेत्र कै काम कारबाहीलाई लिएर जनमत आक्रोशित भईरहेको थियो । तर एकाएक कामको परिणाम दिँदै लयवद्ध ढँगले कामको रफ्तार अगाडि बढाईरहेका मात्र हैन आम जनताले अनुभूति दिलाउने गरी काम गरिरहेका भौतिक पूर्वाधार तथा यातयात मन्त्रालयका सचिव एकाएक सरुवामा पर्दा मन्त्री बसन्त नेम्वाङ्ग समेत चकित भएका छन् । सचिव कार्कीले मातहतका निकायमा राम्रो कमाण्ड गरी मन्त्रीसँगको सहकार्य र लक्ष्य अनुसार नै काम अगाडि बढाईरहँदा परिणाम दिने सचिवले पुरस्कृत हुनुपर्नेमा नेपाल ट्रष्टमा सरुवा भएपछि धेरै प्रशासकहरुले दण्डस्वरुप थन्काईदिएको रुपमा हेरेका छन् ।

सचिव कार्कीको स्थानमा सिचाईं सचिव रविन्द्रनाथ श्रेष्ठलाई सो स्थानमा जिम्मेवारी दिएको छ । प्राप्त जानकारी अनुसार सचिव श्रेष्ठ विगतमा सडक विभागका महानिर्देशकका रुपमा कार्य गरिसकेका र विगतमा भौतिक मन्त्रालयमा रहँदा निर्णय गर्न नसक्ने कर्मचारीका रुपमा चिनिन्थे । मन्त्रालयमा श्रेष्ठको आगमनसँगै कुनैपनि फाइलमा निर्णय लिन नसक्ने उनको स्वभावलाई विश्लेषण गर्दै भोलिका दिनमा भौतिक मन्त्रालय अनिर्णयको बन्दी बन्ने खतरा बढेर गएको सन्दर्भले भौतिक मन्त्रालयमा खैलाबैला सुरु भएको छ । समाचार श्रोतका अनुसार सचिव श्रेष्ठलाई भौतिक पूर्वाधार मन्त्रालय छिराउनका लागि ओम्नी ग्रुपको रविन्द्र श्रेष्ठले भरपुर मेहनत गरेका थिए भने प्रधानमन्त्रीका स्वकीय सचिब राजेश बज्राचार्यले समेत साथ दिएको सन्दर्भले ओम्नी ग्रुपभित्र यतिबेला खुसीयाली छाएको छ ।

सरुवा भएको दोस्रो दिनमै मन्त्रालयका सचिवले मागे दशैं खर्च
ठुलो संख्यामा सचिवहरुको सरुवाभित्र परेका शहरी विकास मन्त्रालय आइतबार हाँजिर भएका सचिव रमेश प्रसाद सिंहले दोश्रो दिनमै भवन विभाग र सो अन्र्तगतका परियोजना तथा योजनाका प्रमुखहरुलाई आफूँ लामो समयसम्म आम्दानी नहुने स्थानमा रहेकोले दशैं खर्चको जोहो गरिदिन आदेशात्मक ढँगले प्रस्तुत भएपछि कतिपय योजनाका प्रमुखहरु आतंकित बनेका छन् । सचिव सिंहले कतिपय प्रमुखहरुलाई आफूँले भनेको नमाने तत्काल सरुवा समेत गर्न सक्ने संकेत गरेसँगै शहरी विकास मन्त्रालय अन्र्तगतका कर्मचारीहरु दशैं खर्चको नाममा आतंकित बनेका छन् ।

सचिव सिंहको विगत
शहरी विकास मन्त्रालय अन्र्तगतका निकायहरुमा रकम असुलेर सो रकम खर्चिएर सचिव बन्न सफल भएका रमेशप्रसाद सिंह जलउर्जा आयोगबाट शहरी विकास मन्त्रालय भित्र्याएसँगै देशको पूर्वाधार विकासमा माफियाकरण कतिसम्म हावि भएको छ भन्ने कुरा यस सरुवा सन्दर्भले प्रमाणित गराएको छ । विगतमा शहरी विकास तथा भवन निर्माण विभागका महानिर्देशक हुँदा विभिन्न परियोजनाका प्रमुखहरु देखि इन्जिनियरसम्मलाई मोलतोलका आधारमा रकम असुलेर चर्चा कमाएका सिंह यतिबेला आफ्नो भ्रष्ट नजर शहरी मन्त्रालयमा लगाउन सफल भएका छन् ।

हरेक फाइलमा कमिसन नलिई स्वीकृत्ति नै नगर्ने सचिव सिंहको सरुवाप्रति नवनियुक्ति मन्त्री कृष्णगोपाल श्रेष्ठ जानकार छन् वा छैनन्, त्या भने हेर्न बाँकी नै छ । नयाँ मन्त्री थपिए लगत्तै भएको सरुवामा कतिपय राम्रा प्रशासकहरु योग्यताका आधारमा सरुवा गरिएको देखिएपनि भौतिक पूर्वाधार र शहरी विकास मन्त्रालयमा राष्ट्रिय माफियालाई सँधै साथ दिने कमिसन मोहमा लाग्ने पात्रहरुको सरुवाका सारथी को रहेछन् । यतिबेला सचेत वर्गबीच खोजीको विषय भएको छ ।