पत्रकार बर्माको निधन

काठमाडौँ । पत्रकार सीतारामप्रसाद बर्माको निधन भएको छ । राष्ट्रिय समाचार समिति(रासस) का धादिङ जिल्ला समाचारदाता बर्माको आज बिहान निधन भएको छ । उनको उपचारका क्रममा ७९ वर्षका उमेरमा निधन भएको हो । किष्ट मेडिकल कलेज ग्वार्को ललितपुरमा उपचाररत बर्मा उच्च रक्तचाप र निमोनियाबाट पीडित हुनुहुन्थ्यो । उहाँले कोरोनाबाट भने विजय प्राप्त गर्नुभएको जनाइएको छ ।
नेपाल पत्रकार महासङ्घ धादिङका संस्थापक सभापति बर्माले नेपाल प्रेस काउन्सिलबाट प्रेस स्वतन्त्रता सेनानी सम्मान पाउनुभएको थियो । करीब तीन दशकदेखि राससमा कार्यरत उहाँ राससबाट पनि सम्मानित हुनुभएको थियो । गोरखा पुख्र्यौली थलो भई धादिङलाई कर्मथलो बनाउनुभएका बर्माका श्रीमती, एक छोरा र तीन छोरी हुनुहुन्छ । उहाँको आजै पशुपति आर्यघाटमा दाहसंस्कार हुँदै छ ।