थप २५६९ जनामा संक्रमण पुष्टि

काठमाडौँ । पछिल्लो २४ घण्टामा नेपालमा थप २५६९ जनामा कोरोना संक्रमण पुष्टि भएको छ।१००८१ वटा नमूना पीसीआर परीक्षण गरिएकोमा सोही संख्यामा कोरोेना रिपोर्ट पोजेटिभ देखिएको हो । यससँगै नेपालमा हालसम्म कोरोना संक्रमित हुनेको संख्या दुई लाख नाघेको छ।

हाल मुलुकमा कोरोनाका सक्रिय संक्रमितको संख्या ३८९१२ जना रहेको छ। त्यसमध्ये १०५१९ जना संस्थागत र बाँकी होम आइसोलेसनमा रहेका छन्। आज १६६६ जना संक्रमित निको भएका छन्। यससँगै नेपालमा निको हुने कोरोना संक्रमितको संख्या १६२२४३ जना रहेको छ ।