December 18, 2020
काठमाडौँ । गृह मन्त्रालयले १८ जना सिडिओको सरुवा गरेको छ । गृहमन्त्री रामबहादुर थापाले शुक्रबार सहसचिव र उपसचिव गरी १८ जना सिडिओको सरुवा गरेको हो ।
ललितपुरमा गृह मन्त्रालयबाट ढुण्डीप्रसाद निरौला प्रमुख जिल्ला अधिकारीको रुपमा पठाईएका छन् । ललितपुरका नारायणप्रसाद भट्ट वागमती प्रदेशेको सचिव भएका छन् । धनकुटाका प्रमुख जिल्ला अधिकारी केशवप्रसाद बिमली महोत्तरी पठाईएका छन् भने धनकुटामा गृहबाट बासुदेव दाहाल सिडिओका रुपमा पुगेका छन् । रामेछापकी रुद्रादेवी शर्माको गुल्मी सरूवा भएको छ भने पाँचथरका अर्जुनकुमार शर्मा रामेछापको सिडिओ बनेका छन् । खोटाङका शालिग्राम शर्मा पौडेल गृह मन्त्रालय तानिएका छन् ।
महोत्तरीका प्रमुख जिल्ला अधिकारी (उपसचिव) कृष्णबहादुर कटुवालको कारागार झुम्का, वसन्तराज पुरीको इलाका प्रशासन कार्यालय इटहरी, पुण्य ढकाल पाँचथर सरूवा पुगेका छन् । पाँचथरमा यसअघि सहसचिव सिडिओ हुँदै आएकोमा यसपटक भने गृहले उपसचिवलाई नै सिडिओ बनाएर पठाएको छ ।
प्रकाशित मिति:December 18, 2020
November 23, 2024
