नियन्त्रित लागूऔषध सहित पक्राउ

सुनसरी । भोक्राहा नरसिंह गाउँपालिका–४ स्थित सडकबाट नियन्त्रित लागूऔषध १ सय एमएलको डाइलेक्स डिसी २१ बोतल र नाइट्रोसन १ सय ८० ट्याबलेट सहित २ जनालाई सोमबार प्रहरीले पक्राउ गरेको छ ।
पक्राउ पर्नेहरुमा कोशी गाउँपालिका–२ बस्ने ३७ वर्षीय सुरज राम र भोक्राहा नरसिंह गाउँपालिका–३ बस्ने ३६ वर्षीय महेन्द्र यादव रहेका छन् । जिल्ला प्रहरी कार्यालय सुनसरीबाट खटिएको प्रहरीले साईकलमा सवार उनीहरुलाई जाँच गर्ने क्रममा उक्त लागूऔषध सहित फेला पारी पक्राउ गरेको हो ।