अमेरिकामा पनि प्रतिनीधिसभा विघटन गरेको भन्दै प्रधानमन्त्री ओलीको विरोध

न्युयोर्क । प्रधानमन्त्री के पी शर्मा ओलीको यतिबेला चौतर्फी विरोध भई रहेको छ । उनीद्धारा प्रतिनिधिसमा विघटनको गरिएको भन्दै उनको स्वदेशमा मात्र नभै विदेशमासमेत विरोध भएको छ । अमेरिकामा बसोबास गर्ने नेपालीहरुले अमेरिकाको न्युयोर्कमा प्रधानमन्त्री ओलीको कदमविरुद्ध विरोध प्रदर्शन गरेका छन् ।

संविधानको कु गरेर असंवैधानिक र स्वेछाचारी रुपमा जननिर्वाचित प्रतिनिधीसभा भंग गरेको विरोधमा न्युयोर्कमा ओली विरुद्ध विरोध प्रदर्शन गरिएको त्यहाँ बस्दै आएका अधिकारकर्मीहरुले बताएका छन् । अमेरिकामा बसोबास गर्दै आइरहेका नेपालीहरुको संस्था युनाईटेड नेपाली कम्युनिटिज इन अमेरिकाको पहलमा विरोध प्रदर्शन गरिएको हो ।

विरोध जुलुसपछि स्थानीय ज्याक्सन हाइटमा आयोजित कोणसभामा सहभागीहरुले प्रतिनिधिसभा पुनर्स्थापनाको माग गरेका थिए । यसकासाथै उनीहरुले नेपाली जनताको भावनासंग खेलवाड नगर्न पनि प्रधानमन्त्री ओलीलाई आग्रह गरेका थिए । उनीहरुले राजनीतिको नाममा आफ्नो व्यक्तिगत स्वार्थलाई पुरा नगर्न भन्दै सम्बृद्ध नेपाल बनाउन ओलीलाई आग्रह पनि गरेका थिए ।