हातहतियार तथा अवैध लागूऔषध सहित पक्राउ

काठमाडौं । मोरङ पथरी शनिश्चरे नगरपालिका–४ स्थित कल्पना राईको घरबाट अवैध लागूऔषध ६ सय ३० मिलिग्राम ब्राउन सुगर, ७६ ग्राम गाँजा, ५४ ट्याब्लेट, ९० ट्याब्लेट ट्रामाडोल, बिभिन्न हात हतियारमा लाग्ने ४ थान गोली, १ थान गोलीको खोका, १ थान हातमा लगाउने नक, १ थान सुल्फा, १ थान खुकुरी र को.१४ प ४७२५ नम्बरको मोटरसाइकल सहित ४ जनालाई शनिबार राति प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने दशरथ भन्ने २२ वर्षीय छिरीङ राई, सिजन भन्ने २४ वर्षीय नबराज राई, १९ वर्षीय साजन राई र भोजपुर साल्पासिलोछो गाउँपालिका–२ बस्ने १९ वर्षीय निराज राई रहेका छन् । उक्त घरबाट अबैध रुपमा लागूऔषध सेवन तथा किनबेच भईरहेको भन्ने सूचनाका आधारमा ईलाका प्रहरी कार्यालय पथरीबाट खटिएको प्रहरीले घर कोठा तलासी गर्दा उनीहरूलाई उक्त लागूऔषध तथा हतियार सहित फेला पारी पक्राउ गरेको हो । उनीहरु उपर लागूऔषध तथा हातहतियार खरखजना कसूरमा थप अनुसन्धान भइरहेको जिल्ला प्रहरी कार्यालय मोरङले जनाएको छ ।

यसैगरी मोरङ, बिराटनगर महानगरपालिका–१७ मटेरुवाबाट नियन्त्रित लागूऔषध १ सय ६९ ट्याब्लेट स्पास्मो, २० बोतल डाइलेक्स डीसी, १५ ट्याब्लेट नाईट्राभेट र २० ट्याब्लेट ल्क्ष्त्श्ब्ऋब्च्भ् सहित सुनसरी धरान उपमहानगरपालिका–९ बस्ने ३९ वर्षीय सुवास लामीछानेलाई शनिबार दिउँसो प्रहरीले पक्राउ गरेको छ । अस्थायी प्रहरी चौकी मटेरवाबाट खटिएको प्रहरीले जाँच गर्ने क्रममा सुवासलाई उक्त लागूऔषध सहित फेला पारी पक्राउ गरेको हो । सुवासलाई ईलाका प्रहरी कार्यालय रानीबाट लागूऔषध मुद्दामा थप अनुसन्धान भईरहेको जिल्ला प्रहरी कार्यालय मोरङले जनाएको छ ।

बाँके, नेपालगंज उपमहानगरपालिका–१५ जमुनाहबाट नियन्त्रित लागूऔषध ३० ट्याब्लेट नाईट्राभेट र १ सय ट्याब्लेट ट्रामवेल सहित मुगु राराछाया नाथ गाउँपालिका–५ बस्ने २० वर्षीय दिल भामलाई आइतबार बिहान प्रहरीले पक्राउ गरेको छ । ईलाका प्रहरी कार्यालय जमुनाहबाट खटिएको प्रहरीले भारतबाट नेपालतर्फ आउँदै गरेका दिललाई जाँच गर्ने क्रममा उक्त लागूऔषध सहित फेला पारी पक्राउ गरेको हो ।

सिन्धुली, हरिहरपुरगढी गाउँपालिका(७ क्वाटरचोकबाट अवैध लागूऔषध करिब ७ किलो गाँजा सहित मरिण गाउँपालिका–३ बस्ने ४४ वर्षीया गंगामाया वाईबालाई आइतबार बिहान प्रहरीले पक्राउ गरेको छ । प्रहरी चौकी क्यानेश्वरबाट खटिएको प्रहरीले बा।२ ख ४५३१ नम्बरको बसलाई जाँच गर्ने क्रममा बसमा सवार गंगामायाको साथबाट उक्त लागूऔषध फेला पारी पक्राउ गरेको हो ।
यस सम्बन्धमा स्थानीय प्रहरीले थप अनुसन्धान गरिरहेको छ ।