काँग्रेसद्वारा तीन दिनको आन्दोलनको घोषणा

काठमाडौं । नेपाली काँग्रेसले तीन दिनको आन्दोलन घोषणा गरेको छ । सरकारको प्रतिगमनको निर्णयविरुद्ध थप आन्दोलनका कार्यक्रमहरु तय गर्दै कांग्रेसले माघ १९ गते, २४ गते र ३० गतेका लागि आन्दोलनको घोषणा गरेको हो । १९ गते भातृ संस्थाले, २४ गते शुभेच्छुक संगठनले आन्दोलन गर्ने छन् भने ३० गते जिल्ला स्तरीय प्रदर्शन आयोजना गरिने छ ।

आज बसेको काँग्रेस केन्द्रीय समिति वैठकले सोही आन्दोलन कार्यक्रम तय गरेको हो । सभापति शेरबहादुर देउवा भने आन्दोलनमा जान अनिच्छुक रहेका छन् । तर वरिष्ठ नेता रामचन्द्र पौडेलको जोडबलपछि काँग्रेसले थप आन्दोलनमा जाने निर्णय गरेको हो ।

नेविसंघ, महिला संघ, किसान संघ, दलित संघसहित म्याद सकिएका भ्रातृसंस्थाहरूको म्याद सकिएको मितिले ६ महिना थप गर्ने निर्णय पनि बैठकले गरेको छ ।