March 24, 2022
काठमाडौं-नेपाल विद्युत प्राधिकरणका कार्यकारी निर्देशक कुलमान घिसिङले विद्युत क्षेत्रमा ठूलो संकट उत्पन्न भएको भएको बताएका छन् ।
संकट उत्पन्न भएता पनि लोडसेडिङ हुन नदिने तर्फ प्राधिकरण सर्तक रहेको उनले बताएका छन् ।
सुख्खाको समयमा यस्तो समस्या आउने गरेको बताउदै घिसिङले संकट लामो समय नरहने बताए ।
उनले मिडियालाई लोडसेडिङको ‘मिस इन्फर्मेसन’ नदिन समेत आग्रह गरेका छन् ।
आज आयोजित पत्रकार सम्मेलनमा घिसिङले यो कहिलेकाहीँ उत्पन्न हुने संकट भएको प्रष्ट पारेका छन् ।
कुलमानले प्राधिकरणले विजुलीको मूल्य समेत नबढाउने बताएका छन् ।
प्राधिकरणले महंगोमा किने पनि पुरानै मूल्यमा उपभोक्तालाई बिक्री गर्ने उनको भनाइ छ ।
संकट बढीमा डेढ महिना चल्ने अनुमान गर्दै उनले त्यसपछि आफ्नै विजुली पर्याप्त हुने बताए ।
हाल सुख्खा मौसम सुरुभएसँगै नेपालका धेरै जलबिद्य्युत आयोजनाको उत्पादनमा कमी आउदै गएको छ ।
बिद्य्युत उत्पादनमा कमी आएसँगै हाल माग धान्न करिब ३०० मेगावाट बिजुली आबश्यक परेको छ ।
प्रकाशित मिति:March 24, 2022
