July 1, 2022
बर्दिया । भारतीय सीमामा गोली हानी एक नेपालीको हत्या भएकाे छ । जिल्लासँग जोडिएको भारतीय सिमाना मुर्तीहाको जंगलमा गएका एक नेपालीमाथि गोली प्रहार हुँदा मृत्यु भएको हाे ।
बिहीबार बेलुकी निहुरो टिप्न गएका गुलरिया नगरपालिका ३ का ५४ वर्षीय हेमराज गोडियामाथि गोली हानिएको प्रहरीले जानकारी दिएकाे छ ।
गोली लागेर घाइते गोडियाकालाई एम्बुलेन्समा उपचारका लागि गुलरिया अस्पताल ल्याइएको थियो । उनलाई कसले गोली हानेको हो भन्ने विषयमा अनुसन्धान भइरहेको प्रहरीले जनाएको छ ।
उनको शव गुलरिया अस्पतालमा शव परीक्षणपछि आफन्तले बुझेर लगेका छन् ।
प्रकाशित मिति:July 1, 2022
