April 7, 2023
रौतहट २४ चैत। रौतहटको सदरमुकाम गौरमा एउटा ब्युटी पार्लर तथा कोल्डस्टोरको आडमा यौनधन्दा सञ्चालन गरेको सुचनाको आधारमा प्रहरीले छापामारी गर्दा दुई महिला सहित ३ जनालाई पक्राउ गरेको छ।
गौर नगरपालिका १ गुदरी बाजार जाने बाटोमा सञ्चालनमा रहेको साहीबा ब्युटिपार्लर तथा कोल्डस्टोर मा शुक्रवार दिउसो प्रहरिले छापामारी गरेको हो।
छापा मारेर यौन धन्धामा संलग्न एकजना यौनकर्मी महिला,राजपुर नगरपालिका १ घर भएका एकजना पुरुष ग्राहक र ब्यूटी पार्लर तथा कोल्डस्टोर सञ्चालिका महिलालाई प्रहरिले नियन्त्रणमा लिएको छ।
पार्लरको दुई वटा कोठामा रहेको बेडमा प्रयोग नभएको कण्डम तथा डसपिनमा प्रयोग गरिएका कण्डमहरु समेत बरामद भएको प्रहरीले जनाएको छ । रौतहट प्रहरी प्रमुख एसपी वीरबहादुर बुढामगरले समाजमा नराम्रो असर पर्ने गतिबिधि गर्ने तीनैजना माथी मुद्दा दर्ता गर्ने प्रक्रिया अगाडि बढाइएको तथा
थपअनुसन्धान भइरहेको जानकारी दिएका छन।
प्रकाशित मिति:April 7, 2023
November 24, 2024
