शिक्षण पेशाप्रति आकर्षण बढाउन निस्टाले सांगठनिक र शैक्षिक कार्यक्रम सञ्चालन गर्ने

काठमाडौँ । शिक्षण पेशाप्रति आकर्षण घट्दै गएकोमा यसले गुणात्मक र दिगो सिकाईमा नकारात्मक असर पारेको नेपाल लोकतान्त्रिक संस्थागत तथा निजी विद्यालय शिक्षक संघ(निस्टा)ले आङ्कलन गरेको छ ।विशेषतः निजी विद्यालयको शिक्षण पेशालाई आकर्षक बनाउन नियुक्ति पत्र लगायत न्यूनतम तलब सुविधाको प्रत्याभूति गराउन सांगठनिक र शैक्षिक कार्यक्रम अघि बढाउने निर्णय गरेको निस्टाका केन्द्रीय अध्यक्ष भोलानाथ चालिसेले बताउनुभयो ।
निस्टा केन्द्रीय समितिद्वारा आयोजित प्रथम चरणको पाँच दिवसीय सांगठनिक भ्रमण मंगलबार समापन भएको छ। कोशी र मधेश प्रदेश लक्षित भ्रमणका क्रममा संगठन विस्तार, रायसुझाव संकलन र भावी रणनीति तर्जुमा सम्बन्धी कार्य गरिएकोसो अवसरमा दर्ताबिना सञ्चालित निजी विद्यालयहरुलाई कानूनी दायरामा ल्याउन सम्बन्धित स्थानीय तहलाई निस्टा जिल्ला समितिले सुझावसहितको निवेदन दिने निर्णय समेत गरिएको अध्यक्ष चालिसेले जानकारी दिनुभयो ।

यसैबीच निस्टाले नेपाल ट्रेड युनियन कांग्रेसको आगामी असार पहिलो साता हुने महाधिवेशन महाधिवेशनमा पर्यवेक्षकको रुपमा सहभागिता जनाउने भएको छ ।