अस्पताल तोडफोड गर्नेलाई कार्वाही गर्न चिकित्सक संघको माग

काठमाडौँ । अत्तरखेल जोरपाटीस्थित नेपाल मेडिकल कलजको सघन उपचार कक्षमा उपचाररत एक बिरामीको विषयलाई लिएर बिरामीका आफन्तले मंगलबार अस्पतालमा तोडफोड गरेको घटनाको नेपाल चिकित्सक संघले निन्दा एवं भत्र्सना गरेको छ । चिकित्सक तथा स्वास्थ्यकर्मीलाई गालीगलौज गरि अभद्र व्यवहार समेत गरिएको भन्दै संघले स्वास्थ्य जस्तो संवेदनशिल क्षेत्रमा यस प्रकारको अमानवीय घटना घटाई समग्र स्वास्थ्यकर्मी तथाचिकित्सकहरुको मनोबललाई नै निरुत्साहितपार्ने कार्यमा संलग्न दोषीमाथि छानबिन गरी “स्वास्थ्यकर्मी तथा स्वास्थ्य संस्थाको सुरक्षा सम्बन्धी (पहिलो) संशोधन ऐन २०७९” बमोजिम कानूनी कारवाही गर्न संघ नेपाल सरकार तथा स्थानीय सुरक्षानिकाय समक्ष जोडदार माग गरेको छ ।
उपचार प्रक्रियामा चित्त नबुझेको अवस्थामा कानूनी बाटो अवलम्बन गर्ने प्रावधान हुँदाहुँदै अस्पताल नै तोडफोड गर्ने जस्तो अपराधिक गतिविधिमा संलग्न हुनु अत्यन्तै दुःखदकार्य भएको संघको विज्ञप्तिमा उल्लेख छ ।

यही जेठ २७ गते नेपाल मेडिकल कलेजमा एकजना बिरामी भर्ना भई उनकोे २८ गते Laparoscopic converted to open cholecystectomy सर्जरी गरी उपचार हुँदै गरेको बिरामीको अकस्मात Hypoxic ischemic encephalopathy भई हाल आई.सी.यू.मा उपचार भईरहेको संघले जनाएको छ ।
उपचारत विरामीको गम्भीर्यतालाई नबुझी अस्वभाविक रुपमा उत्तेजनामा आई अस्पतालमा तोडफोड गर्ने, अस्पतालको शान्तिपूर्ण वातावरणलाई खलल पु-याई बिरामीहरुको उपचारमा खटिने चिकित्सक, तथा स्वास्थ्यकर्मी लगायतलाई मानसिकतनावसिर्जनागरिनु गैर मानवीयकार्य भएको संघका महासचिव डा. सञ्जीव तिवारीद्वारा जारी विज्ञप्तिमा उल्लेख छ ।