मधेश प्रदेश : चौतर्फी आलोचनापछि मुख्यमन्त्री सिंहले हटाए आठजना राज्यमन्त्री

काठमाडौं । मधेश प्रदेशका आठ जना राज्यमन्त्रीलाई पदबाट हटाइएको छ । ठूलो मन्त्रीमण्ड विस्तार गरेपछि मुख्यमन्त्री सतिशकुमार सिंहको चौतर्फि विरोध र आलोचना भएपछि आठ राज्यमन्त्री हटाएको बुझिएको छ ।

केन्द्रको सत्तारुढ दलहरुको सहमतिमा मुख्यमन्त्री सिंहले प्रदेश सरकारमा सहभागी ८ जानै राज्यमन्त्रीलाई हटाएका हुन् ।

हटाइएका राज्यमन्त्रीमा एमालेका ३, कांग्रेसका २, जनमतका २ र लोसपाका १ जना रहेका छन् ।

जसमा रेखा ठाकुर, निलम कुमारी रजक, रामबाबु यादव, शम्भु साह, मोहम्मद जैद आलम, केशव राय, शारदा देवी थापा र रञ्जुकुमारी मण्डल खङ्ग रहेका छन् ।

५ जेठमा मुख्यमन्त्री नियुक्त भएका मुख्यमन्त्री सिंहले चार दलबाट ८ राज्यमन्त्री नियुक्त गरेका थिए । २२ साउनमा मात्रै उनले पाँच राज्यमन्त्री नियुक्त गरेर मन्त्रीमण्डलको संख्या २० पुर्‍याएका थिए ।