समाजवादी मोर्चाको बैठक बस्दै

काठमाडौं । माओवादी केन्द्रको केन्द्रीय कार्र्यालयमा आज समाजवादी मोर्चाको बैठक बस्दै छ ।

पछिल्लो राजनीतिक घटनाक्रमको समीक्षा र भावी कार्ययोजनासम्बन्धी राजनीतिक दस्ताबेजलाई अन्तिमरूप दिनेबारे आजको बैठकले तय गर्ने बुझिएको छ ।

‘प्रचण्ड’ नेतृत्वको सरकार ढलेपछि साउन १ गते पहिलो पटक बसेको मोर्चाको बैठकले समीक्षात्मक राजनीतिक दस्ताबेज तयार गरी १५ दिनभित्र बुझाउन निर्देशन दिएको थियो । तर, १५ दिनभित्र दस्ताबेज तयार नहुँदा बैठक बस्न सकेको थिएन ।

यसअघि एकीकृत समाजवादीको केन्द्रीय कार्यालय आलोकनगरमा बसेको मोर्चाको बैठकले पछिल्लो राजनीतिक घटनाक्रमको समीक्षा गरी संविधान संशोधन र भ्रष्टाचारविरुद्ध सदन र सडकबाट दबाब दिने योजना बनाउने निर्णय गरेको थियो ।

आज बैठक माओवादी केन्द्रको केन्द्रीय कार्यालय पेरिसडाँडामा बस्नेछ ।