जुवातास खेलिरहेको अवस्थामा ८ जना पक्राउ

काठमाडौँ । जुवातास खेलिरहेको अवस्थामा दार्चुलामा ८ जना पक्राउ परेका छन् । दार्चुला मालिकार्जुन गाउँपालिका-४ ऐरी छाना बस्ने किसन सिंह धामीको घरमा जुवातास खेलिरहेको अवस्थामा धामीसमेत ८ जनालाई आइतबार दिउँसो प्रहरीले पक्राउ गरेको हुन् ।

जिल्ला प्रहरी कार्यालय दार्चुलाबाट खटिएको प्रहरीले उनीहरूलाई नगद २ लाख ३२ हजार ३ सय ७० रुपैयाँ र ३ बुक तास सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।